قلبى مغمى عليه

بسم الله الرحمن الرحيم

قلبى مغمى عليه وتايه منى مش شايف ...

على طول ببكي عليه وبحسه ليه مخالف

عايش حياته كابوس وفيه محبوس عشان خايف ...

والحزن عشش فيه و ويـّـا سنينه متحالف


كتير بحس بحاجه ناقصه هى ايه ...
واعيش والحزن متملكنى معرفش ليه
ويجى الفرح بعد الجرح متخفى فيه ...
وكأن عمل معمول لقلبى يعيش ...
طول عمره بيه


عاش كتير بيسأل عن حبيبته ويحسب لها ...

عاش يحلف لـ يخلص للى عينه هتحبها

ليه محسش ابدا بالحياه ويضحكلها ...

ليه مقدرش يفرح ثانيه واحده ويحبها


كتير بحس بحاجه ناقصه هى ايه ..
واعيش والحزن متملكنى معرفش ليه
ويجى الفرح بعد الجرح متخفى فيه..
وكأن عمل معمول لقلبى يعيش ...
طول عمره بيه


لا يا قلبى ... مش سكتك

إرجع ومـوّت جوه منك حنيـّـتـك

إنت اللى عايش فى دنيا تانيه ... غير دنيتك

وإنت اللى فى الاخر هتندم ...

فوق يا قلبي .... بطل تحلم


م انا كتير بحس بحاجه ناقصه هى ايه ..
واعيش والحزن متملكنى معرفش ليه
ويجى الفرح بعد الجرح متخفى فيه..
وكأن عمل معمول لقلبى يعيش ....
طول عمره بيه

*************